Këshilltari për çështjet ekonomike në PD, Dorian Teliti ka reaguar gjendjen ekonomike në vend, duke akuzuar qeverinë për nivelin e korrupsionit.
Në një postim në rrjetet sociale, Teliti shkruan se një në 3 biznese paguan ryshfet, ndërsa sektori imobiliar është i paaksesueshëm për shqiptarët.
Duke iu referuar të dhënave të Bankës Botërore, sipas së cilës rreth 28% e bizneseve në Shqipëri raportojnë se u është kërkuar ryshfet për leje ndërtimi, Teliti thekson se kjo shifër është disa herë më e lartë se mesatarja e rajonit dhe ka pësuar rritje të ndjeshme krahasuar me vitet e mëparshme.
“1 në 3 biznese paguan ryshfet. sektori imobiliar i paaksesueshëm për shqiptarët!
Sipas një ankete të fundit të Bankës Botërore, rreth 28% e bizneseve në Shqipëri deklarojnë se u është kërkuar ryshfet për të marrë leje ndërtimi.
Katër herë më shumë se rajoni. Dhe jo vetëm kaq:
Para pak vitesh ishte 9% - sot është trefishuar.
12% e bizneseve përballen me ryshfet edhe në marrëdhënie me tatimet.
Niveli i përgjithshëm i korrupsionit mbetet mbi mesataren e rajonit.
Nuk kemi përballë raste sporadike, por një sistem ku: “lejet nuk jepen me ligj… por me marrëveshje”, një sistem ku “konkurrenca nuk bazohet në meritë…por me lidhje klienteliste”…një sistem ku ekonomia nuk rritet por thjesht deformohet gjithnjë e më shumë.
Dhe ndërkohë, qeveria flet për “reforma” dhe “suksese”. Sukses quhet që sot 1 në 3 biznese detyrohet të paguajë ryshfet për të punuar?
RIP tregu i lirë. RIP ekonomia e konkurrencës. RIP drejtësia ekonomike dhe mirëqenia e familjes”, shkruan Teliti.
(A2 Televizion)
A2 CNN Livestream
MUND TE LEXONI GJITHASHTU
