“200 euro minimum jetik për studentët”, Berisha: PD në pushtet, heq mesataren e pranimit ne universitet

Sali Berisha deklaroi se me ardhjen në pushtet demokratet do te heqin mesataren për pranimin në universitete dhe studentët do të marrin 200 euro çdo muaj si minimum jetik. Kryetari i Partisë Demokratike zhvilloi një takim me pedagogë në seli, ku akuzoi qeverinë se po asgjëson lirinë akademike dhe autonominë e universiteteve.

“Ne do përqendrohemi më së pari tek mësuesi dhe pedagogu. Pedagogun e bën akademik, e bën dijetar, puna shkencore. Sigurisht leksioni ka peshën e vet, vlerën e vet. Por në fund të fundit, pa kërkimin shkencor, pa hulumtimin, ai pedagog shndërrohet në një automat. Programin e arsimit të lartë, do e hartoni ju me ekspertizën më të mirë, dhe se qeveria e PD do bëjë gjithçka për zbatimin e saj, rikthimin e universiteteve në qendra të fuqishme kërkimore dhe shkencore, heqjen e diskriminimit, ndëshkimit në pranimet universitare me të ashtuquajturën mesatare”. (A2 Televizion)