Qeveria ka reaguar pas alarmit të Ambasadës Amerikane lidhur me rrezikun për shënjestrim të subjekteve të lidhura me Shtetet e Bashkuara ose elementë të rezistencës iraniane në Shqipëri.
Agjensia për Media dhe Informim thekson se “agjencitë ligjzbatuese të Republikës së Shqipërisë nuk kanë asnjë informacion shqetësues lidhur me këtë hamendësim të ambasadës amerikane”.
“Ambasada e SHBA jep rregullisht alarme të tilla, madje edhe kur dalin në protestë grupe opozitare që djegin kazanët e mbeturinave apo gjuajnë me molotov për të dalë në fotografi në gazetat e huaja, por agjencitë ligjzbatuese të Republikës së Shqipërisë nuk kanë asnjë informacion shqetësues lidhur me këtë hamendësim të ambasadës amerikane. Kështu që ne i ftojmë qytetarët amerikanë të mos humbasin asnjë nga mundësitë e mrekullueshme që ofron Shqipëria, me vendet e saj të panumërta turistike, mikpritjen e saj të pakonkurueshme dhe ushqimin e saj të paqortueshëm”, thuhet në reagimin e Agjensisë për Media dhe Informim.
(A2 Televizion)
A2 CNN Livestream
MUND TE LEXONI GJITHASHTU
