Kryedemokrati Sali Berisha kritikoi reformën territoriale të vitit 2014 të kryeministrit Edi Rama, duke e lidhur me platformën e Vaso Çubrilloviçit për largimin e shqiptarëve nga trojet e tyre.
“Reforma territoriale që bëri Edi Rama është një reformë, e cila plotëson tërësisht kriteret dhe kushtet e platformës së Çubrilloviçit për largimin e shqiptarëve nga trojet e tyre,” tha Berisha.
Ai shtoi se sipas Çubrilloviçit, për të larguar shqiptarët nga trojet e tyre, “nuk duhet t’u ndërtojmë infrastrukturë, nuk duhet t’u ofrojmë shërbime, duhet t’ua mërzisim jetën.” Berisha theksoi: “Të gjitha këto ishin kriteret që Edi Rama vendosi në reformën që bëri në vitin 2014. Largoi masivisht shërbimet nga qytetarët.”
Berisha kritikoi edhe menaxhimin e punonjësve dhe investimeve: “Numri i patronazhistëve që paguhet me rroga në njësitë e pazgjedhura nga qytetarët, është sot dyfish. Sot, si kurrë më parë, ka bashki që paguajnë punonjës 8 herë më shumë se në vitin 2013. Ndërkohë investimet në Shqipërinë rurale janë më qesharaket dhe më të paqena se kurrë më parë”.
Duke folur për kërkesat e qytetarëve të bashkive të vogla dhe të mesme, Berisha tha: “Në platformën tonë pa diskutim kërkojmë rikthimin e të gjitha bashkive dhe komunave të cilat kanë një numër të përfillshëm qytetarësh. Dhe Devolli, dhe jo vetëm, kanë plotësisht të drejtë të kërkojnë”.
(A2 Televizion)
A2 CNN Livestream
MUND TE LEXONI GJITHASHTU
