Deputetja e Partisë Socialiste, Aulona Bylykbashi, tha se në protesta ka grupe që po përdorin nacionalizmin për të nxitur destabilitet, duke u larguar nga qëllimet e vërteta të qytetarëve.
E ftuar në emisionin “Off the Record” me Andrea Danglli në A2 CNN, Bylykbashi tha se institucionet e shtetit shqiptar janë duke bërë punën e tyre dhe se në ditët në vijim situata do të bëhet edhe më e qartë.
“T'ju them me siguri që çdo institucion i shtetit shqiptar është duke bërë punën e tij dhe në ditët në vazhdim çdo gjë do të qartësohet edhe më shumë”, u shpreh ajo.
Duke komentuar atë që është quajtur “protesta e diasporës”, deputetja socialiste tha se i është dukur “nonsens” fakti që shqiptarët e Kosovës dhe të Maqedonisë së Veriut të konsiderohen diasporë në Shqipëri.
“Sigurisht që ajo pjesë e Kosovës që ishte aty në protestë përdori tone nacionaliste. Nuk janë përfaqësues të Kosovës dhe të gjithë qytetarëve të saj, të cilët i bashkohen Shqipërisë në të mirë e në të keqe, ashtu si Shqipëria i bashkohet Kosovës.
Por të vish me frymë nacionaliste për të krijuar destabilitet në një protestë, e cila në fakt duhet të ishte vetëm zëri i qytetarëve, në mënyrë që ne të kuptonim shqetësimet e tyre reale dhe t’i adresonim ato, është problem”, deklaroi Bylykbashi. (A2 Televizion)
A2 CNN Livestream
MUND TE LEXONI GJITHASHTU
