Flamur Noka ishte demokrati i radhës që foli për ofertën me të cilën demokratët synojnë të marrin pushtetin më 11 maj.
Teksa deklaroi se qeveria e ardhshme do të jetë e dhembshur dhe do të zgjidhë hallet e shqiptarëve, Noka ironizoi socialistët dhe takimin e tyre elektoral se ofenduan qytetarët me Vallen e Hajdutëve që hodhën në sheshin Skënderbej.
“Programi ynë ka në qendër hallet e qytetarëve dhe zgjidhjen e tyre. Sot kemi një ofertë, një program për të shpëtuar vendin nga qeverisja e korruptuar e Edi Ramës. Atëherë kur e menduan se e asgjësuan Sali Berishën, ai dhe PD erdhi për të mbjellë shpresën për shqiptarët. Ai është e vetmja alternativë. Ai ja doli. Hajdutët e gjirizit festuan për plaçkën e vjedhur. Ata fyen çdo njeri që i thotë shpresës shpresë dhe familjes familje me vallen e Hajdutëve. Berisha garanton shqiptarët se do të sjellë qeverinë më të dhembshur. Vendi ynë nuk ka patur ofertë më të mirë ekonomike”, tha Noka. (A2 Televizion)
A2 CNN Livestream
MUND TE LEXONI GJITHASHTU
