Në mbyllje të mandatit Fatmir Xhafaj doli të sqaronte publikun se çfarë pune kishe bërë në 14 muaj në krye të komisionit të posaçëm parlamentar për antikorrupsion, mirëqeverisjen dhe sundimin e ligjit, mbledhjet e të cilit u bojkotuan jo vetëm nga opozita, por edhe nga ndërkombëtarët dhe institucionet e drejtësisë, ku për këto të fundit nuk i kurseu fjalët.
Që në ngritje, veprimtaria e këtij komisioni u stigmatizua si një tentativë për të ndryshuar ligjet e drejtësisë, por vetë drejtësia, u demaskua nga Fatmir Xhafaj si institucionet që ndryshimet i kanë kërkuar deri në nivelin e Kushtetutës.
“Ata janë të pavarur dhe detyrimi i tyre lind nga kjo pavarësi. Ne u thamë atyre që mblidhuni ju vetë me grup ekspertësh dhe bëjeni vetë një analizë. Nuk u thamë ejani ju te ne. Është e gabuar mënyra se si interpretohet. Ne nuk i detyruam as u ndërhymë në kompetenca. Në u thamë bëni analizë dhe na thoni çfarë ndryshime doni”, tha ai.
Nga 150 amendamente, një prej tyre e kanë artikuluar publikisht që lidhet me mandatin prokurorëve të SPAK, ku Fatmir Xhafaj nuk i kurseu fjalët. Mbylljen e aktivitetit parlamentar deputeti socialist e bëri duke hequr një brengë që kishte 14 maj që e mbante.
“Qëllimi ynë nuk ishte të kapnim SPAK-un apo institucionet e drejtësisë, por të hartonim dokumente që ndihmojnë integrimin”, theksoi ai. “Këto interpretimet e superkomisionit, që do kapte drejtësinë, do kapte SPAK-un, ma bëni me dije pas 14 muajve pune të Komisionit, ku gjendet në një faqe të dokumentit dhe punës? Kur të ma gjeni ma bëni me dije, se u thanë shumë gjëra”, tha Xhafaj. (A2 Televizion)
A2 CNN Livestream
MUND TE LEXONI GJITHASHTU
