Kryetari i Grupit Parlamentar të Partisë Demokratike, Gazment Bardhi, ka reaguar pas përplasjes në distancë të kryeministrit Edi Rama me Këshillin e Lartë Gjyqësor.
Përmes një postimi në rrjetet sociale, Bardhi shprehet se Rama duhet të kuptojë rolin e tij, përpara se të ‘shtrembërojë’ rolin e KLGJ-së, përcjell A2 CNN.
Duke hedhur akuza të rënda ndaj kryeministrit, Bardhi shprehet se Rama sulmon prokurorët dhe gjyqtarët që nuk i shkojnë sipas qejfit.
Duke e cilësuar Ramën si anti-ligji dhe anti-interesi publik, ai e këshillon kryeministrin që të mos merret me çështje që nuk i kupton.
REAGIM I KRYETARIT TË GRUPIT PARLAMEMTAR TË PD, GAZMENT BARDHI
Edi Rama përpara se të “shtrembërojë” nga padija e thellë rolin e KLGJ, bën mirë të kuptojë rolin e tij:
- Është për të luftuar bandat, jo për ti ulur në qeverisje; ose je
- Është për ti shkatërruar ekonomikisht bandat, jo për ti dhënë licenca, tendera, koncesione apo leje ndërtimi;
- Është për të luftuar korrupsionin, jo për të ligjeruar atë përmes projekteve si inceneratorët që nuk ekzistojnë;
- Është për tu gjykuar nga prokurorët e gjykatësit; jo për ti gjykuar ai ato!
Prandaj bën mirë që përpara se të gjykojë gjyqtarë e prokurorë që nuk i vijnë pas avazit apo humorit të tij, të kujtohet se asnjë Kyeministër në Europë, nuk komenton e jo më të sulmojë gjyqtarë e prokurorë specifik për çështje specifike.
Dhe boll harxhoi kohën me çështje që as i kupton dhe as mundet ti kuptojë, sepse Edi Rama është gatur si “antiligji” dhe “anti interesi publik”!
(A2 Televizion)
A2 CNN Livestream
MUND TE LEXONI GJITHASHTU
