E ngarkuara me punë në ambasadën amerikane në Shqipëri, Nancy VanHorn, ka zhvilluar këtë të premte një takim në Kryeministri, raporton A2 CNN. Megjithatë, ajo nuk është takuar aty me kryeministrin Edi Rama.
Ajo është parë teksa largohej nga godina mëngjesin e të premtes, pas takimit të zhvilluar, për të cilin nuk ka ende detaje.
Në fillim të muajit gusht, personeli i Ambasadës së Shteteve të Bashkuara u takua me anëtarë të sapozgjedhur të Kuvendit. Sipas ambasadës, takimi u bë për të kuptuar shqetësimet e komuniteteve të tyre dhe përparësitë në prag të fillimit të mandatit. “Ne presim me kënaqësi të punojmë me përfaqësues të zgjedhur nga i gjithë spektri politik për të vijuar partneritetin tonë të ngushtë me Shqipërinë”, tha ambasada. (A2 Televizion)
A2 CNN Livestream
MUND TE LEXONI GJITHASHTU
