Kandidati i Koalicionit Euroatlantik për qarkun e Tiranës, Shemsi Prençi ka denoncuar në Facebook një rast të intimidimit sipas tij të qytetarëve nga punonjësit e bashkisë Kamëz, brenda një qendre votimi.
Sipas Prençit, të gjithë drejtorët e bashkisë Kamëz “janë rreshtuar para qendrave të votimit për të intimiduar qytetarët”, ndaj i bën thirrje organeve të rrendit të marin masa.
“Në Kamëz, Bathore dhe Paskuqan, drejtorë dhe punonjës të Bashkisë Kamëz me bexh në qafë rreshtohen në hyrje të shkollave dhe institucioneve ku votohet për të orientuar votën. E njëjta gjë ndodh edhe tek shkolla “Tahir Sinani” në Kodër të Kuqe, ku drejtori i Gejlbërimit në Bashkisë Kamëz, Prel Gjonpali dhe 6 punonjës bashkie me bexh, bllokojnë hyrjen e Shkollës dhe diktojnë votuesit. Koalicioni Euroatlantik u bën thirrje organeve të rendit të marrin masat që qytetarët mos të intimidohen nga këta persona”, shkruan Prençi përkrah videos.
Ndërkohë në pamjet e publikuara dëgjohet Preçi teksa e pyet vajzën që ai e identifikon si punonjëse të bashkisë Kamëz, se çfarë funksioni ka, ndërsa ajo i shmanget kamerës.
Shemsi Prençi: Çfarë funnksioni kryeni zonjë që i dikton votën të tjerëve?
Zonja (e identifikuar nga Prençi si punonjëse e bashkisë Kamëz): Nuk diktoj asnjë votë.
Shemsi Prençi: Çfarë funksioni kryen ti? Po shkelni ligjin ë...
Qytetarë në sfond: Kryen funksionin e Partisë Socialiste, të Edi Ramës... (A2 Televizion)
A2 CNN Livestream
MUND TE LEXONI GJITHASHTU
