Paraditja e të mërkurës numëronte 111 shqiptarë të diasporës që kishin zgjedhur preferencën e tyre politike se kë duan në qeveri pas 11 majit. Të dhënat i ofroi Komisioneri Shtetëror i Zgjedhjeve, Ilirjan Celibashi, referuar informacionit që kishte marrë nga korrieri DHL që menaxhon postimin e zarfeve me fletët e votimit.
Ndërkohë, Komisioni Qendror i Zgjedhjeve ka vijuar me dërgimin e fletëve të votimit në diasporë. Për këtë proces që shkoi ta ndiqte nga afër, Celibashi u shpreh me nota pozitive për punën e deritanishme, duke nënvizuar se mbi 36% e totalit të fletëve të votimit janë dërguar.
“Të dhënat janë inkurajuese, fletët do të do të qëndrojnë këtu nën syrin e monitoruesve”.
Ky proces votimi mbart me vete edhe drojën për influencimin e tij në mënyrë të paligjshme, sa kohë akuzat ndërmjet palëve garuese në zgjedhje nuk kanë munguar dhe garancia e vetme që dha KQZ ishte vullneti i tyre për të mos bërë pjesë e veprave penale të krimeve zgjedhore.
“Është në vullnetin e tyre nëse do të bëhen pjesë apo jo, nëse i zbulojmë do t’i ndjekim penalisht”.
Dyshimet e opozitës për ndërhyrje në proces nuk ka pasur vetëm ndaj partisë në pushtet, por edhe ndaj KQZ-së, dyshime të cilat ishin qartësuar pas sqarimit të Celibashit.
Sipas KQZ-së, deri në fundin e javës do të bëhet shpërndarja e të gjithë zarfeve të votimit ku deri më tani rreth 100 mijë janë dërguar. (A2 Televizion)
A2 CNN Livestream
MUND TE LEXONI GJITHASHTU
