Me rastin e Ditës së Europës, ambasadori i Bashkimit Evropian në Shqipëri, Silvio Gonzato, përcolli një mesazh drejtuar politikës shqiptare dhe procesit të integrimit evropian të vendit.
Ai theksoi rëndësinë e mbrojtjes së vlerave themelore të Bashkimit Evropian, si stabiliteti, fqinjësia e mirë dhe bashkëpunimi mes vendeve, në një kohë që, sipas tij, situata ndërkombëtare mbetet e brishtë dhe e shoqëruar me tensione në disa rajone të botës.
Gonzato u shpreh se Bashkimi Evropian po forcon kapacitetet e tij për t’u përballur me sfidat dhe për të garantuar paqen, duke theksuar se kjo e fundit duhet mbrojtur çdo ditë, shkruan A2CNN.
“Duke mbështetur Shqipërinë dhe vendet e tjera kandidate për anëtarësim, Evropa po investon në këtë rrugë.
Procesi i integrimit fillon dhe mbaron me garantimin e të drejtave themelore: luftën kundër korrupsionit dhe forcimin e shtetit të së drejtës, që është me rëndësi për vendin dhe rajonin”, u shpreh ai.. (A2 Televizion)
A2 CNN Livestream
MUND TE LEXONI GJITHASHTU
