Zyrtari dhe ish-deputeti i Partisë Demokratike, Klevis Balliu, është shprehur se mazhoranca socialiste me kryeministrin Edi Rama nuk i ka fituar zgjedhjet me pensionistët, por me bandat kriminale.
Komentet Balliu i bëri në emisionin ‘Debat’ me gazetaren Alba Alishani në A2 CNN, ku tha se pensionistët nuk e votojnë Edi Ramën, pasi sipas tij, kryeministri i tall ata.
Ai tha gjithashtu se problemi në Shqipëri është se nuk ka pasur zgjedhje, pasi votat merren përmes bandave kriminale nga Edi Rama, pra nuk fitohen ndershmërisht.
“Ju mendoni që këtu ka zgjedhje, por këtu nuk ka zgjedhje. Nuk ka fituar në Shkodër prej pensionistëve Edi Rama, por prej Bajrave që bënë masakrën atje. Ata lloj kriminelësh gjezdisnin nga mëngjesi në darkë me kryetaren e Parlamentit në gjithë Shkodrën. Nuk ka fituar në Durrës me pensionistët. Nuk e votojnë pensionistët, kur ti i tall pensionistët. Në Fushë-Krujë e ka marrë me Durim Bamrat ai, jo me pensionistët. Në Durrës i ka marrë me Avdylajt ai, jo me pensionistët. Këtu nuk ka pasur zgjedhje”, tha Balliu. (A2 Televizion)
A2 CNN Livestream
MUND TE LEXONI GJITHASHTU
