Deputetja e Partisë Socialiste, Briseida Çakërri, komentoi largimin nga grupi parlamentar socialist të koleges deputete Marjana Koçeku, e njohur si Neomalësorja.
Çakërri theksoi se nëse Koçeku do të tregohej “burrneshë” do të jepte dorëheqjen nga mandati i deputetes që e ka marrë nga PS.
Duke folur në emisionin “Off the Record” nga Andrea Danglli në A2CNN, Çakërri tha: “Me kalimin e ditëve u qartësova akoma më shumë se çfarë po ndodhte që nga momenti i parë i daljes nga grupi parlamentar, ku nuk u tregua aq burrneshë sa të jepte dorëheqjen nga mandati i fituar nga PS, i dhuruar nga PS. Më kujton Dritëro Agollin kur thotë ‘E mbajta në krah tërë ditën.
Edhe zemër i dhashë…Mbahu! Të nesërmen në fshat kur arritëm, U tha të tjerëve: Më rrahu!’ Kjo është shprehja më e saktë dhe e ftoj të dalë të konkurrojë me kecat se as kecat nuk do ta votojnë. Nuk kam parë asnjë kauzë dhe nuk kam parë asnjë prononcim tjetër”.
(A2 Televizion)
A2 CNN Livestream
MUND TE LEXONI GJITHASHTU
