Kryetarja e Parlamentit, Elisa Spiropali, është mes 14 kryeparlamentarëve, senatorëve dhe deputetëve të dekoruar nga Presidenti Volodymyr Zelensky në Ditën e Pavarësisë së Ukrainës, raporton A2 CNN.
Kryetari i Parlamentit të Ukrainës, Stefanchuk, në një postim në rrjetet sociale njofton se sot, në Ditën e Pavarësisë së Ukrainës, Presidenti Zelenksy ka dekoruar 14 kryeparlamentarë, deputetë, senatorë e kongresmenë të SHBA dhe vendeve europiane, mes tyre Kryetaren e Kuvendit të Shqipërisë, Elisa Spiropali, për mbështetjen ndaj Ukrainës dhe bashkëpunimin me Parlamentin e këtij vendi.
Kryeparlamentares Spiropali iu akordua Çmimi i Lartë Shtetëror “Urdhri i Princeshës Ollga, i Klasit të Parë”.
“Faleminderit secilit prej jush, miqtë tanë të dashur, anëtarë të familjes së madhe parlamentare, për çmimet e merituara që u janë dhënë nga Presidenti Zelensky, në emër të popullit ukrainas!”, shkruan kryeparlamentari ukrainas Ruslan Stefanchuk. (A2 Televizion)
A2 CNN Livestream
MUND TE LEXONI GJITHASHTU
