Mbledhja e parlamenteve Shqipëri-Kosovë, Berisha tregon kushtet që të mos jetë hipokrizi kombëtare

Mbledhja e parlamenteve Shqipëri-Kosovë për Sali Berishën nuk mund të zhvillohet pa u miratuar rezoluta e rrëzuar për gjenocidin serb në Kosovë dha pa kërkuar falje për sanksionet që sipas tij Rama i vuri Kosovës. Në të kundërt sipas tij kjo do të ishte një hipokrizi kombëtare.

“Së pari, me datën 20 mblidhen dy parlamentet në Kosovë. Ky parlament nuk mund të shkojë në një mbledhje të përbashkët në një kohë kur ka hedhur poshtë rezolutën për dënimin e gjenocidit serb në Kosovë, ndaj do kërkojmë me urgjencë që kjo rezolutë të votohet para se parlamenti të shkojë në sesion të përbashkët në mënyrë që të mos jetë një hipokrizi kombëtare, por të jetë një akt i pranueshëm kombëtar. Së dyti, të kërkojë të falur sepse Edi Rama ishte i pari që vendosi sanksione ndaj Republikës së Kosovës. Ky parlament duhet të kalojë një rezolute ndjese publike kombëtare për aktin e turpshëm antikombëtar të Shqipërisë si asnjë vend tjetër fqinj, përveç Shqipërisë ndaj Kosovës”.

Berisha akuzon Ramën se e ndaloi këngën “Mora fjalë” në stadium me urdhër të Beogradit, duke e cilësuar këtë një akt poshtërues. Sipas kjo këngë është lehtësisht më e këndueshme për tifozerinë dhe nuk ka asnjë fjalë konfliktualiteti.

“Mund të ndalem edhe tek ndalimi që i bënë në stadium himnit të kuqezinjve  “Mora fjalë” që u shndërruar në himn të vërtetë të kuqezinjve. Zëvendësimi që pretendon Rama se i ka bërë me këngën tjetër shumë të bukur kushtuar Shqipërisë “Rrjedh në këngë e ligjërime”, janë dy këngë të ndryshme. Shqiëpria ka himnin aty se çdo ndeshje hapet me himnin kombëtar. Së dyti unë e dua shumë “Rrjedh në këngë e ligjërime”, por për tifozërinë është më lehtësisht e këndueshme “Mora fjalë”. “Mora fjalë”nuk ka asnjë fjalë që të nxisë konfliktualitet dhe armiqësi. Adem Jashari është kreshta e heroizmit botëror. Nuk ka komb tjetër që të ketë një Adem Jashar dhe t’i përkulesh Beogradit kur ai është kryeluftëtari i kombit, është akt shumë poshtërues”.Unë lexova një që e kishte paraqitur një zëdhënës i federatës, por në fakt ishte e Fugës, se unë ua njoh stilin këtyre fugistëve, është një akt i papërgjegjshëm sepse Shkurte Fejzën e ftuan vetë këta, ne e pamë në stadium.Edi Rama e ndaloi me urdhër të Beogradit. Pra janë këto tre momente që duan një përgjigje para se të mblidhet seanca e përbashkët në Prishtinë". (A2 Televizion)