Partia e Lirisë nuk do të ketë më një kryetar, por një president.
Në kuadër të rioganizimit të partisë, Ilir Meta ka bërë me dije se ai vetë do të kandidojë. Përballë tij, në garë do të jetë Erisa Xhixho.
“Partia e Lirisë nuk mund të vazhdojë me këtë lidership kakofonik, pra me shumë nënkryetarë, ku përgjegjësitë nuk mbahen në mënyrë të qartë. Nuk mund të vazhdojë me një kryesi që nuk është efektive dhe e angazhuar. Na duhet një kryesi ekzekutive që merr vendime, që reagon shpejt. Nuk do ketë më kryetar, por do të ketë President që do jetë lideri i partisë. Unë sigurisht që do kandidoj për president në Konventë. Ftoj kolegët që të kandidojë për këtë funksion apo detyrë te re. Do ketë një zv.president, as 4, as 5. Partia do ketë një president dhe një kandidate për zv.president, Erisa Xhixhon. I vetmi kandidat për sekretarin e Përgjithshëm është Tedi Blushi”, tha Meta.
Ai tha se nëse nuk do ishin djegur mandatet, Partia e Lirisë do të ishte “forcë e parë, forcë e paparë”. Konventa e Lirisë do të mbahet më 27 prill. (A2 Televizion)
A2 CNN Livestream
MUND TE LEXONI GJITHASHTU
