Presidenti i Republikës, Bajram Begaj, ka përcjellë një mesazh urimi me rastin e festës së Pashkës, duke theksuar rëndësinë e besimit, shpresës dhe dashurisë, raporton A2CNN.
Në mesazhin e tij, kreu i shtetit shprehet:
“Gëzuar Pashkën! Pashka është besimi se e mira fiton mbi të keqen, mundimi mbi padrejtësinë, dashuria mbi forcën dhe drita mbi errësirën. Pashka është besimi se jeta është forca e pashtershme që na udhëheq. Pashka është shpresë dhe gëzim. Kjo festë na kujton se Zoti nuk na braktis kurrë dhe se dashuria e Tij është më e fortë edhe se vdekja. Uroj që kjo ditë e shenjtë të sjellë gëzim, paqe dhe bekime në familjet tuaja!”
Presidenti Begaj uroi që kjo festë e shenjtë të forcojë besimin dhe solidaritetin mes qytetarëve, duke sjellë më shumë harmoni dhe mirësi në shoqëri. (A2 Televizion)
A2 CNN Livestream
MUND TE LEXONI GJITHASHTU
