Migen Qiraxhi, nga Qëndresa Qytetare, deklaroi se nga protesta mbi 50-ditore policia ka proceduar rreth 150 protestues, por që prokuroria nuk i ka pranuar.
“Ka ndryshuar narrativa e kryeministrit ndaj protestës, mirëpo e gjitha është në një pandershmëri totale. Funksionarët shtetërorë thonë se protesta është e drejtë dhe kjo vjen si rezultat i lirisë që krijon qeveria për të protestuar. Por, në fakt është krejt e kundërta. Në 50 ditë protestë janë 150 procedime nga Policia e Shtetit për një protestë paqësore”, tha Qiraxhi në studion e “Off the Record” nga Andrea Danglli, në A2CNN.
Ai shtoi se këto procedime nuk janë marrë nga Prokuroria.
“Shteti përdor si instrument intimidues policinë që duhet të garantojë protestën. Kemi parë që ka pasur përballje me gardhe e ujë. Qeveria i bën biografinë disa personazheve. Pra, nuk ka liri për të protestuar sepse është përdorur intimidimi”, shtoi Qiraxhi. (A2 Televizion)
A2 CNN Livestream
MUND TE LEXONI GJITHASHTU
