Dashamir Shehi foli për aktorin Robert Ndrenika, i cili u shfaq në sallën e gjyqit për të mbështetur Erion Veliajn, duke u shprehur se nuk dëshiron ta gjykojë për ato që i quajti “zgjedhje të tij personale”.
“Zotin Ndrenika e kam mik, është tamam nga ajo plejadë e artistëve që iu bashkuan PD-së. E kemi pasur deputet dhe nuk dua ta gjykoj ose ta paragjykoj për këto muhabete. Ne fillojmë i vejmë vulën që “ky është i këtyre, ky është i atyre”. Nesër do i ndodhi një tjetri, kështu që ai ka bërë një zgjedhje të vetën personale, mund të ketë raportin e vet, hallall i qoftë, puna e tij. Si do ia bëjmë ne kësaj pune? Do i vemë gardh dhe për artistët? Them që ky lloj gjykimi nuk vlen”, u shpreh Shehi në “Off the Record” me Andrea Dangllin, në A2 CNN.
Shehi shtoi: “Ai që prodhon, bashkon kulturën me disidencën, me kritikën, ai është intelektual. Ai që është konform regjimit, ai është i ditur, por jo intelektual. Nuk e japim këtë spaletë, në gjykimin tim. Ai është një i ditur, ka të ditur sa të duash. Edhe Enver Hoxha kishte të diturit e vet. Ai që reagon ndaj të keqes, ai që ka forcën të reagojë, që të gjejë kritikën edhe atje ku punët shkojnë vaj, ai është intelektual”. (A2 Televizion)
A2 CNN Livestream
MUND TE LEXONI GJITHASHTU
