Në Milano mbahet sot takimi i radhës i socialistëve në kuadër të turit të diasporës. Pas takimit me emigrantët shqiptarë në Athinë, kryeministri Edi Rama do të takohet sot me shqiptarët e Italisë.
Siç është njoftuar, shqiptarët do të mblidhen në pallatin e sportit në Busto Arsizio dhe aktiviteti do të nisë në orën 11.00.
Në një postim të bërë në mediat sociale mëngjesin e së dielës, kreu i qeverisë shkruan se “sipas kërkesës, kësaj radhe pallati i sportit do të jetë më i madh se ai në Athinë.”
“...me shpresën që askush nuk do të mbetet pa gjetur vend siç fatkeqësisht na ndodhi në Greqi...”
Turi i diasporës nisi të dielën e 12 majit në Athinë, ku kreu i qeverisë u takua me shqiptarët e Greqisë, i radhës është takimi i Milanos dhe më pas në qershor do të bëhet në Londër, takimi me shqiptarët e Britanisë së Madhe e më pas më 16 qershor në Dusseldorf me shqiptarët e Gjermanisë. (A2 Televizion)
A2 CNN Livestream
MUND TE LEXONI GJITHASHTU
