Në takimin e radhës me grupet e punës dhe ekspertët është diskutuar programi i PD për turizmin. Detaje nga projekti ka dhënë vetë kryetari demokrat Lulzim Basha përmes një postimi, ku shprehet se Partia Demokratike në programin e saj qeverisës do e trajtojë turizmin si një projekt madhor kombëtar.
Sipas Bashës, Shqipëria turistike do jetë e gjithë shqiptarëve dhe jo një grushti njerëzish të lidhur me qeveritarët.
“Partia Demokratike në programin e saj qeverisës e trajton turizmin si një projekt madhor kombëtar.
Çdo projekt i lidhur me turizmin, çdo investim i lidhur me të, do të marrë përparësi pasi vetëm në këtë mënyrë ne i japim zhvillimin e duhur turizmit. Me grupin e punës për programin në fushën e turizmit, mbrojtjes së ambjentit dhe planifikimit urban diskutuam në detaje për sfidat, ndërsa synojmë të rrisim të ardhurat dhe të hapim mijëra vende të reja pune.
Shqipëria është e bekuar me det, male, zona historike e kulturore dhe kërkon një qeveri të përkushtuar me plane konkrete zhvillimi që i shërbejnë çdo shqiptari dhe jo një grushti njerëzish të lidhur me qeveritarët”, shkruan Basha. (A2 Televizion)
A2 CNN Livestream
MUND TE LEXONI GJITHASHTU
