Presidenti Barjam Begaj po zhvillon një vizitë zyrtare në Gjermani, ku është takuar me homologun gjerman, Frank Wolter Steinmaier. Bashkëpunimi dypalësh, integrimi i Shqipërisë në Bashkimin Evropian, zhvillimet në rajon, zbatimi i agjendës së Procesit të Berlinit në Ballkanin Perëndimor, si dhe çështjet e sigurisë dhe mbrojtjes ishin në fokus të bisedës mes presidentit Begaj dhe presidentit Steinmeier.
Sipas Begajt, ky takim është tregues i bashkëpunimit të shkëlqyer politik midis dy vendeve, si dhe i vëmendjes së vazhdueshme të Gjermanisë mike ndaj Shqipërisë dhe popullit shqiptar.
Zyra e medias së Presidencës sqaron se gjatë këtij takimi, kreu i shtetit mori mbështetjen dhe garancinë e plotë që Gjermania do të vazhdojë të mbështesë Shqipërinë në rrugën drejt anëtarësimit në Bashkimin Evropian. Temë e diskutimit ishin dhe çështjet rajonale, por edhe mbështetja për Ukrainën në luftën kundër Rusisë. (A2 Televizion)
A2 CNN Livestream
MUND TE LEXONI GJITHASHTU
