Demokratët dolën kundër ndryshimeve ligjore në kodin e procedurës penale të firmosur edhe nga vetë Edi Rama, që pengojnë pezullimin nga detyra të ministrave dhe zyrtarëve të tjerë. Për kryetarin e grupit parlamentar të PD halli i vetëm i kryeministrit është të mbrojë veten me ligj duke i vendosur barriera drejtësisë.
Sipas Gazment Bardhit, të majtët e kanë mbajtur peng imunitetin e Belinda Ballukut në Këshillin e Mandateve për të ardhur tek prekja e kodit të procedurës penale.
Nismën nga socialistët e mbrojti homologu i Bardhit, Taulant Balla, duke i justifikuar ndryshimet me nevojën e ardhur nga vendimi i Kushtetutës.
Replikat vijuan më tej, ku Bardhi dhe Balla folën me fjalët kryetarit të komisionit të Jashtëm të PE David McAllister.
Kësaj akuze të socialistëve i dha përgjigje vetë Sali Berisha. Nuk dha shumë detaje, por darkën e kryeministrit me delegacionin e PE, Berisha e cilësoi si një takim të vështirë për Edi Ramën.
Ndërkohë brenda në sallë, debati verbal shkoi për tej me akuza personale mes Gazment Bardhit dhe Taulant Ballës.
Në sulm u hodhën edhe dy deputetët socialistë të Fierit, që iu sulen kryetarit të grupit demokrat, por përgjigjen e morën nga ish-kryetarja e Kuvendit Jozefina Topalli.
Pavarësisht debateve dhe thirrjes së PE për dialog politik, socialistët janë të vendosur të miratojnë ndryshimet në Kodin e Procedurës Penale në mënyrë të njëanshme, ndërsa demokratët u bënë thirrje qytetarëve që të dalin në protestën e së premten në orën 18:00. (A2 Televizion)
A2 CNN Livestream
MUND TE LEXONI GJITHASHTU
