Pritat malore vijojnë të jenë një ndër problematikat kryesore në qarkun e Gjirokastrës, sidomos gjatë periudhës së vjeshtës dhe dimrit kur ka reshje me intensitet më të lartë. Shumica e tyre janë ndërtuar në vitet e komunizmit dhe që atëherë nuk janë përforcuar apo përshtatur me ndryshimet e relievit apo prurjeve që janë shtuar.
Për këtë arsye, bordi i kullimit në Gjirokastër i ka bërë apel bashkive që i kanë në administrim që të marrin masa pasi gjendja e tyre teknike bën që të mos kryejnë më efektin për të cilat janë ndërtuar.
E ndërsa bashkitë duhet të gjejnë fonde për të ndërhyrë në afërsi të qytetit të Gjirokastrës edhe pse janë siguruar fondet, nuk po ndërhyhet dot në shtratin e lumit Drino, që gllabëron çdo ditë toka dhe shtylla të tensionit të lartë, pasi si degë e Vjosës është park natyror dhe zonë e mbrojtur.
Erozioni dhe problemet e kanaleve kulluese jo pak herë kanë shkaktuar vërshim të ujërave duke shkaktuar përmbytje tokash dhe bllokime rrugësh. (A2 Televizion)
A2 CNN Livestream
MUND TE LEXONI GJITHASHTU
