Banorë të lagjes Afrim i Ri kanë pohuar se jo vetëm nuk do të shkojnë të votojnë në 11 Maj, por nuk do të lënë as kutitë e votinit që të shkojnë në qendra votimi.
Sipas tyre, shkak është bërë mungesa e infrastrukturës në këtë lagje që ka 100 familje dhe janë kryesisht të ardhur nga fshatra të zonës së Mallakastrës.
Banesa me gropa septike, ku një vesë shiu tejmbush e derdh në oborre kanalet anës rrugëve kryesore, duke u bërë shkaktare për sëmundje, rrugët në dimër baltë e verë pluhur, shkruan A2.
Banorët thonë se janë ankuar në bashki dhjetra herë e askush nuk ka bërë asgjë. Çdo gjë, rrugët, ndriçimin çdokush që ka patur mundësinë i kanë kryer me investime personale.
Banorët pohuan se janë taksapagues të rregullt, por shërbimet nuk i kanë marrë.
“Kemi 35 vjet në këtë situatë dhe këto votime jo vetëm nuk votojmë, por nuk lëmë as kutitë të vijnë në qendra votimi”, thonë banorët.
Lagja Afrim i Ri është vetëm 500 metra larg qendrës Fier, pas shinave të hekurudhës Fier-Vlorë. (A2 Televizion)
A2 CNN Livestream
MUND TE LEXONI GJITHASHTU
