Besimtarët myslimanë festojnë sot një nga festat më të rëndësishme në kalendarin islam, Fitër Bajramin. Pas një muaji agjërimi, sakrifice dhe lutjesh, falja e namazit në shesh bëri bashkë qytetarë të shumtë të kryeqytetit.
Përcjellja e ajeteve nga Kurani, në këtë ditë të bekuar, vijoi me faljen e namazit të Bajramit, një moment që simbolizon unitetin dhe përkushtimin shpirtëror.
Me fokus në rëndësinë e muajit të shenjtë të Ramazanit, kreu i Komunitetit Mysliman Shqiptar, Bujar Spahiu, vuri theksin te paqja dhe solidariteti në këtë botë të trazuar nga tensionet dhe konfliktet mes vendeve. Mesazhi i tij ishte i thjeshtë, por me peshën e lutjeve për besimtarët përtej përkatësive fetare.
Përtej simbolikës që përfaqëson Fitër Bajrami për besimtarët, kjo është edhe një festë emocionale që bashkon familjet dhe forcon ndjenjën e komunitetit.
Fitër Bajrami konsiderohet si një shpërblim shpirtëror pas sakrificës së Ramazanit, duke sjellë mesazhe faljeje, mëshire dhe bashkimi mes njerëzve. (A2 Televizion)
A2 CNN Livestream
MUND TE LEXONI GJITHASHTU
