Me fillimin e pranverës nisi zyrtarisht dhe sezoni i alergjive. Mjekët konstatojnë rritje të sëmundshmërisë në popullatë dhe kryesisht nga alergjitë respitarore. Historitë familjare apo gjenetika nuk janë më faktori kryesor për shfaqjen e alergjive.
Aerologët thonë se shkaqet mjedisore dhe ndryshimi i stilit të jetës po rrit numrin e alergjikëve. Afro 2 në 4 persona janë të rrezikuar për t’u prekur nga alergjitë.
Moshat aktive, 18 deri 40 vjeç, janë pacientët më të shpeshtë te mjeku alergolog. Por vitet e fundit, specialistët po vënë re shfaqje të alergjive edhe tek të porsalindurit. Rreziku për të kaluar në astmë është i njëjtë tek të gjitha grupmoshat e prekura.
Alergjia respiratore ndryshon nga gripi i stinës. Shenjat e saj nisin me bllokime të hundës, kohëzgjatje të simptomave dhe përsëritje në periudha të caktuara të vitit. Alergjia është një sëmundje kronike që trajtohet, por nuk shërohet. (A2 Televizion)
A2 CNN Livestream
MUND TE LEXONI GJITHASHTU
