Shkollat e larta nisin regjistrimet për kandidatët fitues. Është vetëm faza e parë e këtij procesi, ku ekselentët kanë fituar të 10-ta degët për të cilat kanë aplikuar dhe do t’u duhet të përzgjedhin vetëm njërën, shkruan A2 CNN. Ata kanë 48 orë kohë për t’u regjistruar, ndaj edhe kanë nxituar drejt fakultetit ku do të jenë studentë.
Fituesit e fazës së parë të Mjekësisë, por edhe të degëve të tjera të shëndetësisë, tashmë janë studentët më të rinj të këtij Universiteti. I njëjti nxitim, por edhe krenari, vihet re edhe tek fituesit e programeve të tjera. Disa prej tyre tregojnë për vullnetin dhe dëshirën e madhe për degë të veçanta, ku janë renditur në krye të listës së fituesve.
Raundi i parë i regjistrimeve përbëhet nga 7 faza 48-orëshe. Ata të rinj që nuk regjistrohen në fazën ku janë shpallur fitues e humbin mundësinë, dhe shansi i jepet kandidatit pasardhës në listë. Raundi i parë do të zgjasë deri më 11 shtator. (A2 Televizion)
A2 CNN Livestream
MUND TE LEXONI GJITHASHTU
