Si të arredoni shtëpinë në stilin mesdhetar?

Stili mesdhetar ngjall brigjet diellore të rajoneve jugore të Evropës, si Italia, Spanja, Franca, Greqia. Një atmosferë e ngrohtë dhe e ndritshme që bëhet një stil arredimi për hapësirat e shtëpisë tuaj. Stili mesdhetar kombinon natyrën, elegancën dhe freskinë dhe pika kryesore e tij është të arredojë pa shtuar peshë, duke kërkuar vazhdimisht thjeshtësinë.

Mjediset e pastra dhe të thjeshta, pothuajse minimaliste janë pika fillestare për një dizajn të brendshëm të stilit mesdhetar. Shkëlqimi është themelor, një element kyç që karakterizon këtë lloj mjedisi (për këtë arsye është më mirë të shmangni mobilimet që pengojnë hyrjen e dritës natyrore në mjedis). Ngjyrat, materialet dhe teksturat janë protagonistët e vërtetë të këtij stili, i cili frymëzohet nga elementët natyrorë që e bëjnë bregdetin e Mesdheut kaq të veçantë dhe të dashur në të gjithë botën.

Ngjyrat, materialet, teksturat

Materialet natyrale në tone të lehta si ngjyrat neutrale me rërë, të bardha të ndezura dhe kafe drunore kontrastojnë me ngjyrat e ndezura të tekstileve dhe dekorimeve. E pashmangshme është bluja në nuancat e saj të ndryshme, si bluja e çelët, bruzja dhe ultramarine, të cilat kujtojnë nuancat e detit Mesdhe, por nuk mund të mungojnë ngjyrat si e verdha dhe jeshile. E bardha do të dominojë muret dhe pëlhurat prej pambuku dhe linoje, për t'i dhënë një ndjesi shkëlqimi dhe lehtësie dhomave. Druri do të përdoret për dyshemetë me parket dhe trarët e ekspozuar, si dhe për aksesorët e arredimit. Bien në sy edhe qeramika prej guri dhe me ngjyra, me motivet e tyre florale, gjeometrike apo figurative. Të gjithë këta elementë kombinohen perfekt së bashku, nëse preferoni sofistikimin e ngjyrave të forta.

Tryeza mesdhetare

Stili i jetesës mesdhetare është gjithashtu sinonim i komoditetit dhe momenteve të ndara me familjen dhe miqtë, dhe tradita e kuzhinës së kësaj zone është e njohur dhe e dashur në të gjithë botën. Prandaj, tavolina bëhet skena perfekte për të shfaqur më së miri gatimet e jashtëzakonshme të traditës mesdhetare, për t'u shijuar mundësisht në ajër të hapur. Në tryezën mesdhetare do të shkëlqejnë ngjyrat dhe materialet natyrale për tekstilet, si mbulesat e tavolinës dhe pecetat prej lini apo shtroja me thurje. Elementet qeramike të pikturuara me dorë me ngjyra që të kujtojnë hijeshinë e detit, diellit dhe vapës së verës janë të pashmangshëm. (A2 Televizion)