Rama 3, nisma “Gati për Shqipërinë”

“Unë do të jem kryeministri juaj, por edhe kryeshërbëtori juaj”. Me këto fjalë, Edi Rama iu drejtua shqiptarëve në vitin 2013 pasi mori në duar çelësat e kryeministrisë, çelësa të cilat i mban dhe sot.

Gjatë këtyre tetë viteve, Rama ka qenë tepër kreativ për të ndërtuar platforma apo mënyra për të dëgjuar ato që i cilësonte si “urdhërate sovranit”. E tillë ishte platforma për bashkëqeverisje, koordinimi i së cilës fillimisht iu besua ish-ministrit të Brendshëm, Saimir Tahiri. Qytetarët shprehnin ankesat e tyre dhe kreu i Qeverisë u jepte zgjidhje.

Kreu i qeverisë krijoi kështu disa platforma të tjera, si “Stop Korrupsionit”, “Edhe një” për gratë, për të vijuar me Portalin Kombëtar të Punësimit e së fundmi, me “Gati për Shqipërinë”, kjo e fundit për të thirrur studentët ekselentë, brenda dhe jashtë vendit, që të bëhen pjesë e qeverisjes në mandatin e tretë.

Adriatik Lapaj vë në dyshim qëndrueshmërinë e këtyre nismave, teksa si problematikë kryesore të tyre sheh anën ligjore.

Për analistin Plator Nesturi, krijimi i këtyre nismave i jep një avantazh politik kreut të qeverisë, duke e dalluar nga opozita.

Mënyrën e përzgjedhjes së kandidatëve, në nismën “Gati për Shqipërinë” Lapaj e sheh si absurd.

Edhe më skeptik në qëndrimin e tij është Bledi Kasmi, i cili e sheh këtë nismë si një mënyrë të qeverisë për të hequr vëmendjen nga problematikat aktuale. Precedentët të bëjnë pesimist për suksesin e iniciativës së fundit, beson Lutfi Dervishi, që gjithsesi nuk duket i pashpresë.

Sipas Dervishit numrit të lartë të aplikantëve nuk i përgjigjet nevoja e administratës, e cila çalon në cilësi, jo në sasi. Edhe duke e marrë të mirëqenë nevojën e një ndryshimi në administratë, vëmendja duhet kthyer nga studentët vendas. I të njëjtit mendimi është dhe Lapaj.

Këtë javë, Rama mbylli sesionin e shtatë të nismës gati për Shqipërinë, ku premtoi se nuk do të zhgënjejë, ndonëse nuk dinte të ishte më konkret. Numri i të interesuarve është më i madh se ç’e kemi pritur. Mbas kontaktit të parë, bëhet edhe skedulimi i takimeve. Për mua personalisht edhe për të tjerët është si të thuash shprehej besimi derisa keni marrë mundimin ta bëni këtë hap. Shpresoj që nga pikëpamja e respektit dhe kujdesit nuk do iu zhgënjejmë. Si do materializohet mbetet për t’u parë. (A2 Televizion)