FC Barcelona dhe Atlético Madrid do të përballen për herë të pestë në më pak se dy muaj këtë të martë, me klubin katalanas që duhet të përmbysë një disavantazh prej dy golash për t’u rikthyer në gjysmëfinalet e UEFA Champions League.
Atletico luan në shtëpi për të mbrojtur fitoren 2-0 nga ndeshja e parë dhe për të tentuar kualifikimin në katërshen më të mirë të Europës për herë të parë pas gati një dekade. Herën e fundit që madrilenët arritën në gjysmëfinale ishte në vitin 2017.
Para ndeshjes së parë javën e kaluar, Barcelona kishte fituar 2-1 në Madrid në një ndeshje të kampionatit spanjoll më 4 prill. Dy skuadrat janë përballur edhe dy herë në gjysmëfinalet e Kupës së Mbretit, ku Atletico fitoi 4-0 në shtëpi dhe më pas kaloi në finale pavarësisht humbjes 3-0 në Barcelonë në ndeshjen e kthimit.
Barcelona, nga ana tjetër, u eliminua në gjysmëfinalet e sezonit të kaluar nga Interi.
Trajneri i Atletico-s, Diego Simeone, nuk e ka përjashtuar rikthimin e portierit Jan Oblak, edhe pse ai nuk ka luajtur që nga 10 marsi për shkak të një dëmtimi muskulor. Ai është stërvitur me skuadrën ditët e fundit dhe pritet të jetë i gatshëm.
Nga ana tjetër, trajneri i Barcelonës, Hansi Flick, nuk ka përjashtuar mundësinë që mesfushori Frenkie de Jong të nisë nga minuta e parë pas një mungese të gjatë për shkak të një dëmtimi në kofshë.
Skuadra që do të kualifikohet të martën do të përballet në gjysmëfinale me fituesin e çiftit mes Arsenal FC dhe Sporting Lisbon. Arsenal fitoi ndeshjen e parë 1-0 në Lisbonë javën e kaluar, ndërsa ndeshja e kthimit do të luhet në Angli të mërkurën. (A2 Televizion)
A2 CNN Livestream
MUND TE LEXONI GJITHASHTU
