Paris Saint Germain vijon i qetë marshimin në krye të elitës së futbollit francez . Kampionët e Parisit mundën 2-0 Marsejën në transfertë dhe tani e shohin veten 12 pikë larg ndjekësve më të afërt.
Pjese e parë nuk ishte më e mirë për ekipin e Luis Enrikl që përveçse nuk po shënonte, në minutën e 40 Lukas Beraldo u ndëshkua me karton të kuq dhe la skuadrën me 10 lojtarë.
Megjithatë, kjo nuk e pengoi aspak Parisin për të dominuar sfidën. Ishte Vitinja që me fillimin e fraksionit të dytë, zhbllokoi rezultatin.
Ndërkaq 5 minuta para fundit, Ramos la dhe firmën e tij dhe mbylli takimin me fitoren 2-0 . Një sukses që konfirmon dhe një herë se Parisi nuk ka kundërshtar në Francë. Udhëheq në krye me 62 pikë, 12 më shumë se Brest nga i vendit të dytë. (A2 Televizion)
A2 CNN Livestream
MUND TE LEXONI GJITHASHTU
