Armando Broja është mungesa e madhe e Kombëtares shqiptare në dy finalet e fundit të eliminatoreve për Kampionatin Europian të futbollit, ndaj Moldavisë më 17 nëntor dhe 3 ditë më pas ndaj Ishujve Faroe në Tiranë.
Sylvinho, ndoshta me të drejtë, u shpreh se nuk mund të grumbullonte gjigantin nga Malësia e Madhe pasi ai nuk është bërë pjesë as e skuadrës së Chelsea-t për shkak dëmtimi. Megjithatë, menjëherë sapo Sylvinho shpalli listën, sulmuesi u bë pjesë e “Bluve të Londrës”, madje ai la gjurmë në ndeshjen dramatike të së shtunës ndaj Manchester City-t, e cila u mbyll në barazim 4-4 dhe Broja fitoi penalltinë në minutat e shtesës.
Megjithatë, edhe pse Broja nuk do të jetë pjesë e kombëtares në këto dy ndeshje të fundit të kombëtareve, penalltia që ai fitoi i ka dhënë një “dorë” Palmer yllit tjetër të Chelsea-t që të grumbullohet për herë të parë me skuadrën e Anglisë. Sulmuesi, i cili u transferua në verë nga Manchester City për te Chelsea, është duke bërë një gjysmësezoni të shkëlqyer, teksa në 10 ndeshje ka arritur të realizojë 4 gola dhe ka dhënë edhe dy asiste.
(A2 Televizion)
A2 CNN Livestream
MUND TE LEXONI GJITHASHTU
