Rafael Leao është në listën e dëshirave të Paris Saint Germain për verën e ardhshme! Kampionët e Francës po mendojnë që tani për zëvendësuesin e Kylian Mbappe i cili me shumë gjasa do t’i bashkohet Real Madridit për pak muaj.
Për këtë drejtuesit e klubit po mendojnë alternativat në sulm dhe një prej emrave më të preferuar është ai i portugezit, Rafael Leao.
Ndonëse ka një kontratë me Milanin deri në vitin 2028, e rinovuar në verën e kaluar, sulmuesi do të ishte i hapur të dëgjonte ofertën e Parisit.
Për ta bërë për vetë lojtarin, parisienët duhet të paguajnë një klauzolë lirimi prej 175 milionë eurosh dhe më pas të nisin bisedimet.
Megjithatë deri më tani ende nuk ka diçka konkrete por pritet që edhe merkatoja e verës të jetë e zjarrtë për yjet e futbollit evropian. (A2 Televizion)
A2 CNN Livestream
MUND TE LEXONI GJITHASHTU
