Vëllaznimi është kampion i Ligës Unike në basketboll për meshkuj. Turneu i përbashkët ndërmjet ekipeve nga Shqipëria dhe Kosova uli siparin me finalen emocionuese të luajtur në pallatin e sportit në Prishtinë.
Skuadra nga Gjakova triumfoi në duelin emocionues përballë SIGAL Prishtinës, me rezultatin 91 me 88 në shtesa, pasi loja e rregullt u mbyll në shifrat e barabarta 78 me 78.
Vëllaznimi arriti të rikuperonte disavantazhin prej 10 pikësh në periodën e katërt dhe regjistroi një sukses historik, duke iu gëzuar fitores.
Lojtari më i mirë i ndeshjes u shpall Arian Azemi nga gjakovarët, protagonist me 24 pikë, 3 asiste dhe 6 topa të rikuperuar nën tabelë.
Liga Unike mbetet një event i dominuar nga skuadrat e Kosovës, sepse ekipet e basketbollit nga Shqipëria ende nuk kanë arritur të luajnë në një finale. (A2 Televizion)
A2 CNN Livestream
MUND TE LEXONI GJITHASHTU
