Stafeta e Pishtarit Olimpik arriti në Paris në Ditën e Bastijës pas gati dy muajsh zigzage nëpër Francë dhe territoret franceze jashtë shtetit.
Ish-futbollisti ndërkombëtar francez dhe trajneri i skuadrës olimpike të Francës, Thierry Henry, nisi stafetën në kryeqytetin francez. Stafeta do të kalojë pranë disa prej monumenteve më ikonike të Parisit, duke përfshirë katedralen Notre-Dame, Harkun e Triumfit, Grand Palais dhe Petit Palais, Jardin du Luksemburg dhe Luvrin.
Henry tha se ishte një moment veçanërisht emocionues për të bartur flakën olimpike në rrugën Champs Elysees në Ditën e Bastijës, ditën kombëtare të Francës. Dita e Bastijës përkujton sulmin në burgun e Bastijës në 1789, një nga ngjarjet kryesore të Revolucionit Francez.
Kjo ditë është një festë kombëtare në Francë. Stafeta do të arrijë kulmin me ndezjen në Paris gjatë ceremonive të hapjes së Lojërave që do të zhvillohen nga 26 korriku deri më 11 gusht dhe ato paraolimpike do të zhvillohen nga 28 gushti deri më 8 shtator.
Pishtari olimpik u shfaq më herët në një paraqitje të veçantë në paradën tradicionale të Ditës së Bastijës në Paris. Ai u mbajt nga ushtari dhe fituesi i medaljes së artë olimpike në kalërim, koloneli Thibault Vallette. Dhjetëra vullnetarë të rinj me ngjyrat olimpike parakaluan me të dhe Vallette ia kaloi flakën një të riu, përpara presidentit francez Emmanuel Macron dhe zyrtarëve të lartë të qeverisë. Franca shënoi ditën e saj kombëtare me paradë ushtarake për dekada me radhë, me trupa dhe forca të blinduara që marshojnë poshtë Champs Elysees, si dhe avionë dhe helikopterë që fluturojnë përpara për paradën tradicionale. (A2 Televizion)
A2 CNN Livestream
MUND TE LEXONI GJITHASHTU
