Autoritetet shëndetësore në Kinë publikuan detajet e para të mbi 70 mijë rasteve me virusin Covid-19, në studimin më të madh që prej shpërthimit të epidemisë. Të dhënat nga qendra për kontrollin dhe parandalimin e sëmundjeve në Kinë, tregojnë se mbi 80 përqind e rasteve kanë qenë të lehta, ndërsa të moshuarit dhe personat me probleme të tjera shëndetësore janë më të rrezikuarit.
Raporti tregojnë se përqindja mesatare e vdekjeve nga virusi është 2.3 përqind. Të dhënat e publikuara nga Kina, shtynë OBSH të pohonte se nuk do ta rriste nivelin e rrezikut global nga koronavirus.
“Sot Kina publikoi një raport më të dhëna të detajuara për mijëra raste me COVID-19. Të dhënat na ndihmojnë të kuptojmë më mirë rrezikshmërinë dhe nivelin e vdekshmërisë. Rreziku për përhapje është i lartë, por jo për një pandemi”, tha drejtori i Përgjithshëm i OBSH Tedros Adhanom Ghebreyesus.
Studimi, ve në dukje edhe rrezikun e madh me të cilin përballet stafi mjekësor. Një total prej mbi 3 mijë mjekësh janë infektuar, dhe 5 prej tyre kanë vdekur deri në 11 shkurt. Të martën, drejtori i një spitali në Wuhan humbi jetën si pasojë e virusit.
51-vjeçari Liu Zhiming, ishte drejtori i spitalit Wuchang, një prej kryesorëve në epiqendrën e virusit. Ai është një prej zyrtarëve më të lartë të shëndetësisë nga epidemia. Autoritetet kineze thanë se 98 vdekje dhe 1886 raste të reja me virus u shënuan të hënën ndërsa bilanci total është mbi 1860 viktima dhe 72,436 raste të prekura, ndërkohë që 12 mijë veta vlerësohet të jenë shëruar. (A2 Televizion)
A2 CNN Livestream
MUND TE LEXONI GJITHASHTU
