Një stuhi ekstreme ka goditur një qytet lindor të Kinës, duke lënë 11 të vdekur dhe 66 të plagosur. Stuhia me erëra të forta ka shkaktuar shembjen e ndërtesave dhe pemëve, thanë zyrtarët.
Qyteti Nantong, i vendosur në provincën lindore të Jiangsu, ishte ndër më të goditurit kur moti ekstrem përfshiu Delta Yangtze të premten në mbrëmje, sipas mediave ndërkombëtare.
Grupet e shpëtimit evakuuan 3.050 njerëz, tha një njoftim i qeverisë lokale.
Shpejtësia e erës prej 162 km / orë përmbysi një anije peshkimi. Dy marinarë u shpëtuan dhe operacionet e kërkimit ishin duke u zhvilluar për 9 persona nga ekuipazhi i mbetur, thuhej në njoftim.
Energjia elektrike është rikthyer në Nantong dhe po pastroheshin pemët e shembura, automjetet e dëmtuara, si dhe dritaret që ishin hedhur në erë. (A2 Televizion)
A2 CNN Livestream
MUND TE LEXONI GJITHASHTU
