Jack Grealish (Angli): Mesfushori 25-vjeçar nuk ishte në planet e Southgate për EURO 2020 një vit më parë. Pas performancave të shkëlqyera në Premier League për Aston Villa-n, talenti anglez mendohet si një lojtar shumë i rëndësishëm për mesfushën e Anglisë. 
Jamal Musiala (Gjermani): Pasi përfaqësoi kombëtaren angleze U-21, Jamal Musiala zgjodhi të jetë pjesë e kombëtares gjermane për EURO 2020. Talenti i Bayern München ka luajtur 24 ndeshje në Bundesliga duke shënuar 6 herë. 
Pedri Gonzalez (Spanjë): Një tjetër talent i Barcelonës i cili shkëlqeu këtë sezon. Mesfushori ka luajtur 32 ndeshje në La Liga duke shënuar 2 herë dhe duke dhënë 3 asist. Kaq mjaftoi që Luis Enrique ta thërriste për në kualifikueset e Kupës së Botës, dhe tani në Europian. 
Ryan Gravenberch (Holandë): Debutoi me Holandën në muajin mars për kualifikueset e Kupës së Botës duke marrë pjesë në 3 ndeshjet e fituara kundër Turqisë, Letonisë dhe Gjibraltarit. Liverpool, Manchester United dhe Barcelona janë në pritje për të parë performancën e mesfushorit të Ajax në EURO 2020. 
Jude Bellingham (Angli): Një tjetër anglez i cili përfitoi nga shtyrja e EURO 2020. 17-vjeçari i ardhur nga Birmingham te Borussia Dortmund sezonin e kaluar, shfaqi potencialin e tij në kampionatin gjerman, duke tërhequr vëmendjen e Southgate. 
Illia Zabarnyi (Ukrainë): Pasi debutoi me Dinamo Kiev shtatorin e kaluar, nuk mungoi në asnjë ndeshje të klubit të tij në Champions League. Andriy Shevchenko i dha mundësinë të bëjë edhe debutimin me Ukrainën tetorin e kaluar, dhe pas 6 ndeshjesh është pjesë shumë e rëndësishme e mbrojtës së Ukrainës.
Ata ishin të gjithë jashtë planeve të trajnerëve të skuadrave të tyre kombëtare për Euro 2020. Por pas vendimit për ta shtyrë me një vit kompeticionin, për shkak të pandemisë së koronavirusit, siguruan një vend në skuadrat e tyre.
Shfletoni galerinë dhe njihuni me talentet e rinj që “përfituan” nga koronavirusi. (A2 Televizion)
A2 CNN Livestream
MUND TE LEXONI GJITHASHTU
