
Fakulteti i Historisë dhe i Filologjisë ka njoftuar se më datë 18 tetor, ditën e hënë, do të nisë procesi mësimor.
Ky fakultet shton se në auditor do të lejohen vetëm studentët me certifikatë vaksinimi, studentët me testin PCR negativ dhe studentët me vërtetim nga mjeku për pamundësi të kryerjes së vaksinës.
Në javën dedikuar vaksinimit të studentëve, interesimi pranë stendave të vendosura në fakultetet e Tiranës ishte mjaft i ulët. Ekipet e vaksinatorëve filluan punë, këtë të martë, teksa studentët e vaksinuar numërohen me gishtat e dorës.
Ndonëse një pjesë e kanë marrë një dozë të vaksinës në prag të nisjes së vitit të ri akademik, përqindja e tyre mbetet më pak se 20%.
Disa prej studentëve heqin dorë nga arsimimi dhe nuk pranojnë kushtin e vaksinimit me detyrim për të qenë në auditorë.
Në dispozicion të studentëve janë ofruar vaksinat AstraZeneca dhe Coronavac, por sipas mjekëve preferenca është e ndryshme. (A2 Televizion)