Një person është vrarë dhe një tjetër është plagosur rëndë nga të shtënat në një fabrikë Mercedes-Benz në Sindelfingen, në Gjermaninë jugore. Sipas policisë autori është arrestuar dhe nuk ka më asnjë rrezik për punonjësit në uzinë.
Prokurorët thanë se personi i arrestuar ishte një 56-vjeçar, i cili besohej se kishte vepruar i vetëm.
Të shtënat u dëgjuan rreth orës 07:45 të mëngjesit me orën lokale. Policia shkroi në Twitter rreth një orë më vonë se një operacion që përfshinte policinë dhe punëtorët e shpëtimit po vazhdonte në kompleksin e fabrikës, rreth 15 kilometra në jugperëndim të Shtutgartit. Autoritetet konfirmuan se një i dyshuar ishte dërguar në paraburgim.
Punonjësit raportuan se vendi i ngjarjes ishte Fabrika 56 e autoprodhuesit, ku prodhohet edhe S-Class.
Kompania konfirmoi se kishte pasur një incident në fabrikë dhe se ishte në kontakt me autoritetet, por nuk dha më shumë detaje. (A2 Televizion)
A2 CNN Livestream
MUND TE LEXONI GJITHASHTU
