Një gjykatë federale në Shtetet e Bashkuara vendosi që barriera pluskuese që është vendosur në lumin Rio Grande në Teksas, për të ndaluar kalimin e emigrantëve të paligjshëm, duhet të largohet menjëherë.
Ky vendim i gjykatës u pa si një goditje për guvernatorin republikan, Greg Abbott që ishte një ndër mbështetësit kryesore të vendosjes së kësaj pengesë për të ç’inkurajuar emigrantët e paligjshëm që të hynin në vend nga Meksika.
Sipas gjykatësit David Ezra, i cili mbajti anën e Departamentit të Drejtësisë, Teksasi nuk ka autoritetin për të instaluar një segment 300 metra të gjatë me bova portokalli me thumba në lumë, ku juridiksioni është i qeverisë federale.
Në këtë mënyrë, Ezra iu dha autoriteteve të Teksasit kohë deri më 15 shtator për të zhvendosur pengesën lundruese në anën e SHBA-së të bregut të lumit, në koordinim me Korpusin e Inxhinierëve të Ushtrisë. (A2 Televizion)
A2 CNN Livestream
MUND TE LEXONI GJITHASHTU
