Një ngjarje e rëndë është regjistruar në Përmet mbrëmjen e djeshme. Policia njofton se në banesën e saj është gjetur e pajetë nga shërbyesja, një shtetase 80-vjeçare.
Sipas informacionit paraprak, e moshuara ka shenja dhune në trup dhe dyshimet janë se ka qenë bashkëshorti i saj, që i ka marrë jetën duke e goditur me shkop druri.
Rreth orës 06:30, të mëngjesit, shtetasja V. Dh., e cila punon si shërbyese në banesën e çiftit të të moshuarve L. P., 82 vjeç dhe A. P., 80 vjeçe, ka gjetur në banesën ku shërben, të pa jetë dhe me shenja dhune shtetasen A. P., 80 vjeçe.
Menjëherë në vendngjarje, ka shkuar grupi hetimor dhe nga veprimet e para hetimore dyshohet se 80 vjeçarja është goditur me sende të forta (shkop druri), nga bashkëshorti i saj shtetasi L.P, banues në fshatin Pëllumbarë.
Shërbimet e Policisë kanë shoqëruar në Komisariatin e Policisë Përmet, për veprime të mëtejshme procedurale shtetasin L.P, i proceduar penalisht edhe më parë për veprën penale “Dhuna në familje”.
Grupi hetimor nën drejtimin e Prokurorisë vijon punën për sqarimin e rrethanave të kësaj ngjarjeje. (A2 Televizion)
A2 CNN Livestream
MUND TE LEXONI GJITHASHTU
