Ministri i Brendshëm, Taulant Balla, ka bërë me dije se sistemi TIMS është 100% i sigurt dhe se nuk ka një rrjedhje të të dhënave. Duke raportuar në Komisionin e Çështjeve Europiane, Balla tha se të dhënat e qytetarëve nuk janë prekur.
“Kuvendi është fuqiplotë. Dua të garantoj se të dhënat e çdo qytetari në sistemin TIMS janë 100% të mbrojtura. Nuk ka asnjë të dhënë që të ketë rrjedhur nga ky sistem. I fortifikuar dhe falë mbështetjes së partnerëve. Dua të vlerësoj asistencën e SHBA-së. Dua të falënderoj partnerët. Gjatë verës së vitit të kaluar, sistemi u sulmua, por dua t’ju garantoj se sistemi është 100% funksional”, tha Balla.
Sipas ministrit, bëhet fjalë për “kritika apo ankesa” të atyre punonjësve të policisë së shtetit që janë larguar nga ekipi i ri i ngritur për “pastrimin e strukturës.” (A2 Televizion)
A2 CNN Livestream
MUND TE LEXONI GJITHASHTU
