Çështja e përgjegjësisë mbi sulmin e ndaj policisë së Kosovës në Banjskë të Zvecanin nuk merr fund me deklarimin e ish-nënkryetarit të Listës Serbe Millan Radoiçiç, se ai është organizator.
Këtë e tha ambasadori amerikanë në Prishtinë, Jeffrey Hovenier gjatë një bashkëbisedimi me gazetarët.
“Shtetet e Bashkuara kanë qenë të qarta. Orkestruesit e sulmit duhet të mbahen përgjegjës. Ky mbetet pozicioni ynë. Ne do të vazhdojmë të përpiqemi të kuptojmë se çfarë ka ndodhur, kush është përgjegjës dhe pse”, u shpreh Hovenier.
Ai përsëriti se SHBA beson që sulmi ka qenë i koordinuar, ndërsa theksoi se po trajtojnë me interes pretendimet se armët ishin siguruar nga Tuzlla e Bosnje Hercegovinës.
Mes të tjerave, Hovenier tha se Shtetet e Bashkuara janë të gatshme ta këshillojnë Kosovën në hartimin e statutit për Asociacionin e komunave me shumicë serbe. (A2 Televizion)
A2 CNN Livestream
MUND TE LEXONI GJITHASHTU
