Pronarja e një dyqani, të vendosur, pranë një shkolle në Tiranë, është proceduar penalisht, pasi tregtonte produkte për nxënësit, të cilave iu kishte kaluar afati i konsumimit.
Në zbatimi të planit të ri për sigurinë në shkolla dhe perimetrin rreth tyre, kanë vijuar kontrollet, në bashkëpunim me inspektorët e Autoritetit Kombëtar të Ushqimit, në afërsi të shkollave të ndryshme të Tiranës, ku tregtohen produkte ushqimore për nxënësit.
Gjatë kontrolleve, në rrugën “Tre Dëshmorët”, në dyqanin e shtetases F. Ç., 60 vjeçe, u gjetën produkte të ndryshme ushqimore që ajo i shiste edhe pse iu kishte kaluar afati i konsumimit.
Në vijim të veprimeve u referuan materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, në ngarkim të shtetases F. Ç., 60 vjeçe, banuese në Tiranë. (A2 Televizion)
A2 CNN Livestream
MUND TE LEXONI GJITHASHTU
