Një person i dyshuar për gjenocid në Ruanda u arrestua të shtunën në Paris, 26 vjet pasi ishte në arrati.
84 vjeçari Felicien Kabuga është akuzuar për financimin e milicive në Ruanda që masakruan më shumë se 800 mijë civilë. Ai konsiderohej si një ndër personat më të kërkuar në Ruanda dhe SHBA kishin caktuar një shpërblim 5 milionë dollarë për kapjen e tij.
Ai jetonte në Francë prej shumë kohësh me identitet të rremë, deri kur u arrestua nga policia në një apartament në Asnieres-Sur-Seine
Kabuga është paditur në vitin 1997 për 7 akuza, përfshirë këtu gjenocid dhe bashkëpunim dhe nxitje për të shkaktuar gjenocid, në lidhje me ngjarjet e vitit 1994 në Ruanda.
Dy grupet kryesore etnike në Ruanda, hutut dhe tutsis, kanë pasur prej kohësh një marrëdhënie antagonistike dhe u përfshinë në një luftë civile në fillimet e viteve 1990.
I njohur si një biznesmen, Kabuga akuzohet se ka financuar milicitë që masakruan 800 mijë tutsis. (A2 Televizion)
A2 CNN Livestream
MUND TE LEXONI GJITHASHTU
