Ministri i Jashtëm zviceran, Ignazio Cassis, do të vizitojë sot Tiranën me rastin e 50-vjetorit të marrëdhënieve diplomatike midis Zvicrës dhe Shqipërisë. Bisedimet me kryeministrin shqiptar, Edi Rama, dhe ministrin e përkohshëm të Jashtëm Gent Cakaj do të përqëndrohen në marrëdhëniet dypalëshe, bashkëpunimin ndërkombëtar të Zvicrës në rajon dhe presidencën e OSBE-së, që Shqipëria do të mbajë këtë vit.
Cassis do të takohet me kryeministrin Edi Rama, presidentin Ilir Meta dhe ministrin e Jashtëm në detyrë Gent Cakaj.
Bisedimet do të përqëndrohen në adresimin e çështjeve dypalëshe, rivendosjen e 50 viteve të marrëdhënieve diplomatike dhe diskutimin e kandidaturave të Zvicrës dhe Shqipërisë në Këshillin e Sigurimit të Kombeve të Bashkuara. Temat e tjera do të jenë konferenca e ardhshme ministrore e OSBE-së, e planifikuar për më 3 dhjetor, integrimi evropian i Shqipërisë dhe zhvillimi i Ballkanit Perëndimor.
Këshilltari Federal Cassis do të vizitojë projektin e mbështetur nga Zvicra për rindërtimin e shtëpive të dëmtuara nga tërmeti i 26 nëntorit të viti të kaluar.
Zvicra përbën partnerin e tetë ekonomik për Shqipërinë. Aktualisht, në vendin tonë veprojnë afërsisht 30 kompani zvicerane, ndërsa 35 kompani shqiptare kryejnë aktivitet të rregullt tregtar me Zvicrën.
Vizita e fundit e një kreu të FDFA-së në Shqipëri daton që nga viti 1999, kur Këshilltari Federal Joseph Deiss vizitoi Tiranën për të takuar homologun e tij Paskal Milo. (A2 Televizion)
A2 CNN Livestream
MUND TE LEXONI GJITHASHTU
