Dy prej viktimave, babai Raymond Childs dhe i biri, Elijah Childs 
Një fqinj lë një arush pelushi në shtëpinë ku ndodhi tragjedia 
Një adoleshent amerikan është arrestuar me akuzën e vrasjes së 6 personave. Mes viktimave ishte edhe një grua 8-muajsh shtatzënë dhe foshnja. Viktimat u gjetën të gjithë të dielën në një shtëpi në Indianapolis, të vrarë me armë zjarri, tha policia.
Ata u identifikuan si Kezzie Childs, 42 vjeç, Raymond Childs Jr, 42 vjeç, dy fëmijët e tyre, djali Elijah, 18 vjeç dhe vajza Rita, 13 vjeç. Gruaja shtatzënë u identifikua si Kiara Hawkins, 19 vjeç. Lidhja e saj me familjen mbetet ende e paqartë. Një person i 7-të i qëlluar me armë është shtruar në spital në gjendje të rëndë, por mendohet se do të mbijetojë.
Të hënën në mëngjes, shefi i policisë lokale, Randal Taylor, deklaroi se për ngjarjen ishte arrestuar një i ri. Mediat lokale thanë se i arrestuari ishte një djalë 17-vjeçar, gjithashtu pjesëtar i familjes Childs. Gjithashtu, motivi i vrasjes makabre mendohet të ketë qenë një sherr në familje. (A2 Televizion)
A2 CNN Livestream
MUND TE LEXONI GJITHASHTU
